Imihlangano YeBudget Iyehluleka Ukuqalisa EHarare

WASHINGTON —  Idolobho le Harare lithi selizahlela kutsha imihlangano yokuxoxisana lezakhamizi ngamalungiselelo eBudget yomnyaka ozayo njengoba imbuthano obekumele iqhutshwe ngoLwesithathu yehlule, izakhamizi zingezanga ngobunengi bazo.

Abalwela amalungelo ezakhamizi bathi ikhansili bekufanele iqale ixoxisane labantu ekuhleleni amalanga la, khona bezazikhethela amalanga lapho abazabe bengabambekanga khona.

Amadolobho wonke elizweni aphakathi kokuhlela uluhlu lokusetshenziswa kwemali, okufanele uhulumende aluvume andubana amakhansili la aphiwe imali yokusebenzisa.

Ukuze sihlaziye loludaba, sixoxe loMnu. Patrick Thaba-Moyo owaye ngu mayor wakoBulawayo njalo engumsekeli kamongameli wenhlanganiso ye Urban Councils Association of Zimbabwe (UCAZ).

UMnu. Thaba-Moyo utshele uSithandekile Mhlanga we Studio 7 ukuthi kufanele amakhansili wonke aqakathekise izifiso zezakhamizi ukuthi uhlelo lwe budget luphumelele.

Ingxoxo LoMnu. Patrick Thaba-Moyo