Inengi selamukele ngembono etshiyeneyo icebo likahulumende elokuthi ufuna ukusungula uhlelo lokuthi abantu bezihlole kumbe balegcikwane elibangela umkhuhlane wengculaza kumbe hayi-ama HIV-Self-Testing-Kits, ngendlela yokuvimba ukumemetheka kwaleligcikwane.
Abanye bathi lokhu kulicebo elihle kodwa abanye bayasola, besithi kufanele umuntu aqale ecetshiswe engakahlolwa igazi lanxa esehloliwe ukwenzela ukuthi emukele impumela yakhe ngemfanelo.
Ukuze sihlaziye loludaba, kanye lendlela oluphatha ngayo abesifazana, sixoxe loKhansila Monica Lubimbi ka Ward 29 koBulawayo, endawonye loMnu. Sipho Mahlangu, olwela amalungelo abantu abaphila legcikwane lengculaza.
UMnu. Mahlangu usungula lingxoxo ngokuchasisela uSithandekile Mhlanga weStudio 7 ukuthi abanye abasoze bephatheke kuloluhlelo ngoba bengelamali yokuthenga okufunakalayo ukuthi bezihlole igazi.
Your browser doesn’t support HTML5
Ingxoxo LoMnu. Sipho Mahlangu Endawonye LoKhansila Monica Lubimbi