NgoLwesine bekuyisisanasana esigodlweni sikaMongameli, iState House lapho kade kuphithizela iziphathamandla zebandla leZanu PF emkhosini wokunanza umnyaka owodwa lelibandla lanqoba kukhetho.
Kubikwa bekudliwa ezifela emlonyeni kujatshulwa yiziphathamandla zalelibandla kuphela kungela zulu mathupha.
Ngakwelinye icele leHarare esigodlweni sebandla leMDC-T, iHarvest House abasekeli balelibandla abedlula kancane ikhulu bebetshengisela bethwele amabhakane alotshwe ukuthi uhulumende seswele amacebo okubahlenga ebunzimeni obukhona.
Lo ngumbono wabanengi lokhu kwanqoba ibandla le Zanu PF kuketho uMnu. Morgan Tsvangirai okhokhela ibandla leMDC-T athi lwaba lokuqilibezela.
Your browser doesn’t support HTML5
Ingxoxo loMnu. David Ndlovu elo Mnu. Nhlanhla Dube
Ukuhlaziya loludaba uChris Gande weStudio Seven uxoxe lesikhulumeli secele leMDC elikhokhelwa nguMnu. Welshman Ncube, uMnu. Nhlanhla Dube endawonye loMnu. David Ndlovu isiphathamandla sebandla le Zanu PF onguye oqola lingxoxo.