Ukuthethwa kwecala eletheswa amapholisa abikwa atshaya abesifazana ababili abeCowdray Park koBulawayo kuqhubekele phambili emthethwandaba izolo, lapho igqwetha labasolwa elenqabe ukuthi umntwana oleminyaka eyisitshiyangalombili azofakaza ngakubonayo aze athathe imifanekiso etshengisa ukulimala kukanina.
Umntwana lo yindodakazi kaNkosazana Nokuthula Mpofu owamangalela amapholisa la elodadewabo uNtombizodwa ngemva kokutshaywa kwabo lokuthukwa ngamazwi abandlulula ngomhlobo.
Inkundla yeCite ibika ukuthi uMnu Tinashe Dzipe, igqwetha elimela amapholisa la, abalisa uMnu Simbarashe Bvekwa loMnu Tichaona Zariro uthe kumele omamangala balethe ubufakazi abazithaphela bona mathupha, hatshi ukusebenzisa imifanekiso eyathathwa ngumntwana lo kumbe bathi azofakaza.
Ukuthethwa kwalelicala kuyaqhubeka.
Ngakwelinye icele, ukuthethwa kwecala lokutshotshozela udlakela eletheswa umeli weBinga North uMnu Prince Dubeko Sibanda ngemva kokwaba ama-masks alotshwe ukuthi “Zanu PF Must Go” kuqalisile izolo.
Igqwetha lakhe uMnu Nqobani Sithole utshele iStudio 7 ukuthi icala eletheswa uSibanda leli liyize.
Your browser doesn’t support HTML5
Ingxoxo loMnu Nqobani Sithole