Umkhokheli weMDC-T uMnu Morgan Tsvangirai uthi kulihlazo ukuthi ibandla leZanu PF lenzele uMongameli Mugabe idili elizabiza izigidi zamadola eMasvingo, lapho okulenkulungwane lenkulungwane zabantu ababhekane lendlala.
Idili leli lizakwenziwa kumalanga ambalwa alandelayo uMugabe ethakazelela iminyaka yakhe yokuzalwa engamatshumi ayisitshiyagalolunye lambili, 92.
Embikweni oyethulwe yisikhulumeli sakhe ngoLwesine, uMnu Tsvangirai uthe ukwenzela idili leli esigabeni seMasvingo kufana lokwenza umthimba emfeni.
Yena uTsvangirai uqhubeke ngemihlangano yakhe eMasvingo lapho atshele abasekeli beMDC-T ukuthi bazimisele ukusebenzelana lamanye amabandla aphikisayo emizameni yokususa uMugabe embusweni ngo2018.
Imihlangano le iyaqhubeka ngoLwesihlanu, kutsho umqoqi wenhlelo zaleli bandla uMnu Abednico Bhebhe.
Your browser doesn’t support HTML5
Ingxoxo loMnu Abednico Bhebhe