Umfundisi Evan Mawarire, womkhankaso we “ This Flag Campaign ”, ubotshiwe ngoLwesibili, ngaphambilini kokutshengisela kwensuku ezimbili kokungayi emsebenzini okuke kwenziwa ngeviki edluleyo abantu beveza ukukhathala kwabo ngesimo somnotho lezombusazwe esiselizweni.
Ukubotshwa kukamfundisi Mawarire kuza ngemva kokutshengisela okube khona ilizwe lonke ngeviki ephelileyo, uzulu eveza ukukhathala kwakhe ngesimo somnotho lokungathembeki kwenkokheli kahulumende.
Lumkhankaso ubukhokhelwa ngabenhlanganiso okubalisa eye This Flag Campaign, ekaMawarire, Tajamuka/Sesijikile, eye Occupy Africa Unity Square Campaign lezinye.
Umelwa ligqwetha lenkampani ye Mhishi Legal Practice, olilunga njalo lenhlanganiso ye Zimbabwe Lawyers for Human Rights ( ZLHR ), umnumzana Harrison Nkomo, ogcizelele ukubotshwa kwakhe.
U Pastor Evan Mawarire,ubotshwe ekuseni ngo eight thirty,khathesi,usezandleni zamapholisa,e Harare Central Police.
UNkomo uthi, uMawarire ukhangelelwe ukumiswa phambi komthethwandaba, ngoLwesithathu phezu komlandu awetheswayo.
Amapholisa athi wona,bafuna ukufaka ama charges ngesingisi athiwa, incitement to commit public violence,ukubangela udlakela kuleli lizwe. So khathesi,bamvalele eHarare Central Police Station.
UMfundisi Evan Mawarire efakwe izankosi
Ngaphambilini amapholisa ake amathwala efakwe izankosi, aya laye emzini wakhe eAvondale, ukuyadinga impahla eyingozi, ezasetshenziswa njengobufakazi kucala lakhe.
Ubethukile unkosikazi wakhe uSamantha Mawarire ngesikhathi amapholisa la, efika emzini wakhe, edinga ingowane yamapholisa abayithi yantshontshwa le ntonga yeButton Stick esetshenziswa ngamapholisa ukutshaya abantu.
Amapholisa athi yikho akusebenzisayo ukutshotshozela udlakela mhla ka 6 Ntulikazi, kuyiyo njalo abefuna ukuyisebenzisa mhlaka 13 Ntulikazi, emkhankasweni we Zimbabwe Shut Down 2.
Basuke lapho baya emahofisini ebandla lakhe lenkonzo alikhokhelayo, ele “His Generation Church ”, emzini weMilton Park.
Okunye okubikwa kudingwa ngamapholisa, kubalisa umakhalekhukhwini wakhe, izikhali, ingwalo ezilemibiko engalunganga, okudakayo lokunye okunengi nengi.
Umfundisi Evan Mawarire
Kudaba olufanayo, umfundisi Patrick Mugadza, wase Kariba, oke wabotshelwa ukutshengisela eyedwa, eVictoria Falls nyakenye, ekhonona ngombuso kamongameli Robert Mugabe lebandla lakhe leZanu PF, laye usungule umkhankaso wokuthandazela ukusuka kuka mongameli Mugabe, wensuku ezingamatshumi amane awuthi ngesilungu yi40 days of MUGABE MUST FALL PRAYER CAMPAIGN , oqale mhla ka 1 kuyonale inyanga ka Ntulikazi, owenzelwa e Africa Unity Square.
Injongo uMugadza ethi yikuthandazela ukususwa kukamongameli Mugabe lenkokheli yeZanu PF embusweni, ngoba esehlulekile ukubusa.
Your browser doesn’t support HTML5
Udaba lokubotshwa kukaMfundisi Mawarire siluphiwa ngu Mavis Gama