Igqwetha losakhulayo webandla leMDC Alliance uMnu Makomborero Haruzivishe, yena ogwetshelwe ukupika okomnyaka olenyanga ezimbili yinkantolo kamantshi izolo lithi lizaphikisa isigwebo lesi edale leHigh Court.
UHaruzivishe ugwetshwe ngemva kokufunyanwa elecala lokuphehla udlakela lelokwala ukubotshwa ngamapholisa.
Kuqhamuke udlakela phandle komthethwandaba izolo kulandela ukugwetshwa kwakhe.
Igqwetha likaHaruzivishe uMnu Kossam Ncube utshele iStudio 7 ukuthi isigwebo lesi silukhuni kakhulu.
Your browser doesn’t support HTML5
Ingxoxo loMnu Kossam Ncube
Ngokunjalo, uthe usesiya enkantolo yeHigh Court ukuyacela ukuthi yesule ukufunyanwa kwakhe elecala ibuye njalo ilahle lesigwebo sakhe.
Kusenjalo, umsekeli wesikhulumeli sebandla leMDC Alliance uMnu Felix Magalela Mafa Sibanda uthi bayakusola kakhulu ukugwetshwa kukaHaruzivishe. Uthi le yindlela kahulumende weZanu PF yokuhlukuluza amalunga abo.
Your browser doesn’t support HTML5
Ingxoxo loMnu Felix Magalela Mafa Sibanda
Kusenjalo, idale leHigh Court selilahle isicelo salelibandla sokuthi imali ephiwa amabandla aphikisayo alamalunga amanengi ephalamende kumele iphiwe lona hatshi iMDC-T ekhokhelwa nguMnu Douglas Mwonzora.
Umahluli uthe njengoba kulesinqumo esethulwa yinkantolo kudala esokuthi iAlliance kayisilobandla, lelibandla kalilawo amandla okumangalela iMDC-T lohulumende emthethwandaba.