Umanyano wengatsha zomvikela, owe Joint Operations Command, ngoLwesihlanu, ubize emhlanganweni ibandla leMDC-T yalicela ukuthi lidlulisele phambili ukutshengisela obekuqoqwe ukwenziwa ngoLwesine lweviki ezayo kusolwa ukunyamalala kwamadola angaba ngamabhiliyoni alitshumi lanhlanu-$15 billion.
Umanyano weJOC ogoqela abakubutho, amapholisa lensoli zikahulumende utshele i-MDC-T ekade imelwe ngunobhala jikelele walo, uMnu. Douglas Mwonzora ukuthi ilanga leli yilo elenziwa njalo umhlangano kamongameli Robert Mugabe labalwa impi yenkululeko. Kodwa babikwa bevumelene leMDC-T ukuthi ukutshengisela lokhu kwenziwe mhlaka 14 yonale inyanga.
UChris Gande weStudio Seven uxoxe lonobhala obona ngokuqoqwa kwenhlelo zebandla le MDC-T, uMnu. Abednico Bhebhe ukuze sizwe okunengi ngaloludaba.
Kunjalo unobhala jikelele weMDC-T, uMnu. Douglas Mwonzora ubesemththewandaba namhla lapho kade amele athoniswe icala lokwenqabela umthetho ngemva kokuba etshingele amapholisa ukuthi engahlukuluzi umkhokheli webandla lakhe, uMnu. Morgan Tsvangirai ngoLwesibili.
UTsvangirai wayesemthethwandaba lapho etheswa icala lokugcono omunye umkhokheli webutho esithi wayekhokhela ubudlwangudlwangu eMasvingo phambilini kokhetho luka 2008. UMwonzora usezaphindela emthethwandaba ngeviki ezayo.
Your browser doesn’t support HTML5
Ingxoxo loMnu. Abednigo Bhebhe