Ezinye ingcwethi zenotho zithi imali ethiwa nguhulumende yiyo esayatholakala kuntuba zomgwaqo, ama tollgates, engamadola angamatshumi amahlanu lasikhombisa, i$57 million, selokhu zaqalwa lezintuba ngomnyaka ka 2013.
Umkhokheli wogataha olubona ngemali yama toll gates, uNkosikazi Bridget Ledwaba utshele ikhomidi yedale lephalamende ukuthi kube lomehluko ekubutheleleni limali kulandela ukusetshenziswa kwemitshina yama computer.
Okhokhela ugatsha lwezokubuthelela imali yama tollgates, uMnu. Moses Juma laye uvumile ukuthi kulezigidi zamadola ezanyamalalayo ngesikhathi kungakasetshenziswa ama computer.
Sixoxe lengcwethi ecubungula ezenotho, uMnu. Masimba Kuchera utshele iStudio Seven ukuthi imali etholakalayo kayiphathisi ekulungiseni imigwaqo kumbe ukuyilondoloza.
"Nxa sikhangele imali ekhulunywayo ngibona ungani ilutshwana kakhulu nxa sikhangele inani lama toll gates elise lizweni," kutsho uKuchera.