Kulandela umbiko osanda ukwethulwa yinhlanganiso yeNational Aids Council okhomba ukuthi inani labantu abathelelana imikhuhlane yengulamakhwa edolobheni leHarare liyaqansa, ikhansili yalelidolobho ithi izaqinisa inhlelo zokukhuthaza abantu ukuthi bezivikele kulimikhuhlane nxa besiya emacansini.
I-National Aids Council ithi abantu abazinkulungwane ezilitshumi lantathu 53000 eHarare kuphela, bathole lumkhahlane phakathi kwenyanga kaZibandlela loNhlangula kuwonalo umnyaka. Idolobho leli lilabantu abedlula isigidi esisodwa i-1, 6 million.
Inhlanganiso le yethule lumbiko emhlanganweni weFull Council Meeting edolobheni leHarare, njalo ukhansila Peter Moyo omunye wamakhansila alelidolobho utshele uSithandekile Mhlanga weStudio 7 ukuthi bazimisele ukusebebenzelana lalinhlanganiso.
Your browser doesn’t support HTML5
Ingxoxo LoKhansila Peter Moyo