Inhlanganiso elwela amalungelo entathelizindaba kunye lemithetho ebalawulayo, iMedia Institute of Southern Africa, ikhuthaza uHulumende ukuba alandele isisekelo sombuso ekusebenzelaneni lentathelizindaba kanye lesithembiso asenza kupenyo lwe Information and Media Panel of Enquiry (IMPI).
Umgcinisihlalo weBoard yeZimpapers, uMnunzana Delma Lupepe ubike ukuba uhlelo lukahulumende lokuletha imitshina yakulezi insuku eyeDigitisation kanye lokulandela isisekelo sombuso esitsha kulakho ukuletha intuthuko ekwethulweni kwezindaba.
Intathelizindaba ezimeleyo, uMnunzana Nhlalwenhle Ngwenya ubike ukuba uHulumende sekumele ahlele iholo lentthelizindaba kusiya ngezikhundla zabo ngoba okwamanje akucaci.
UNkosikazi Siphilisiwe Mloyi intathelizindaba yakoBulawayo yena uthi udaniswa yindlela intathelizindaba zesifazane eziphathwa ngayo ngoba bambalwa abasezikhundleni eziphezulu.
Ofundela ukuba yinathelizindaba uHezel Marimbiza yena ubike ukuba kusasenzima ukuthola indawo yokusebenzela usafundela ikakhulu kwezokusakaza.
Ngomnyaka odluleyo intathelizindaba ezinengi zimiswa umsebenzi mahlayana, kodwa uMhleli wephephandaba leB-Metro, uLenin Ndebele usekhuthaze ukuba abezindaba abamiswa umsebenzi kababumbe imbuma baqale iphephandaba labo lokubhala indaba ezijulileyo njalo ezilonmkanstho njengamaBhungane asezweni leSouth Africa.
Inengi labantu eZimbabwe alisalaleli imisakazo yeZimbabwe, sebekhetha ukuhlawula imali enengi bethenga ukubukela inhlelo zakwamanye amazwe angomakhelwane. Abanengi bathi indaba zeZimbabwe aziselanhlonzi njalo kubhalwa ezombusazwe kakhulu.
Babike ukuba sebethembele kuhlelo lweDigitisation. UBulawayo yena ukhangelele ukuthakazelela ilanga leWPFD ngempelaviki lapho iqembu lenguqu labezindaba bakoBulawayo bekhangelele ukudibana leqembu leHighlanders enkundleni yeHighlanders Football Club.
Your browser doesn’t support HTML5
Udaba lwelanga leWorld Press Freedom Day siluphiwa nguNompumelelo Moyo