Ikomiti eyakhethwa ukuthi inhlolisise imbangela yokuhlaselwa kwabakwamanye amazwe okwaqhamuka eDurban Kwazulu Natal kwele South Africa, nyakenye, isiyethule impumela yaleyo nhlolisiso.
Likomiti ithole ukuthi lokhu kuhlasela kwaqalwa ngababefuna ukuxotsha abakwamanye amazwe ababeqhuba amabhizimusi lalabo okwakuthiwa sebethethe imisebenzi yezizalwane zakweleSouth Africa, kwacina sekulezizatho ezitshiyeneyo ezacina zibangela ukuhlaselwa kwabo bonke abavela kwamanye amazwe.
Obekhokhela ikomiti ebisenza inhlolisiso le owaye nguMahluli uNkosikazi uNavi Pillay, uthi lobanje kwacina sekulezizatho ezinenginengi ezasezisetshenziswa yilabo ababehlasela abakwamanye amazwe, zimbili kuphela ezaba yinhlasi eyalumathisa ukuhlasela lokhu. Ethi esinye isizatho saba yilabo ababesithi abakwamanye amazwe babathathele umsebenzi kwesinye isitolo eNatali.
Umbiko wale ikomiti uthi njalo ukwehluleka kwabezindaba ukubika kuhle indaba zodlakela lolu lakho kwamemethekisa ukuhlaselwa kwabakwamanye amazwe. Uthi njalo lembiko yokwethusela eyayithunyelwana ngabantu kufacebook, kutshengiswa lemifanekiso yabentu ababetshaywa lakho kwamemethekisa ukuhlasela lokhu.
Ekuqhamukeni kodlakela lolu kwavela imibiko ethi inkulumo yenkosi uGoodwill Zwelithini yokuthi abakwamanye amazwe kababuyele kubo yiyo eyabangela ukuqhamuka kwaloludlakela. Kodwa ikomitile ithi kayizange ibuthle lobo bufakazi.
Isizalwane seZimbabwe esisodwa samayingxenye yabayisikhombisa ababulawa kuloludlakela. Ngo 2008 udlakela olufanayo lwadlula lemiphefumulo engamatshumi ayisithupha lambili (62).
Your browser doesn’t support HTML5
Udaba lokucubungula imbangela yokuhlaselwa kwabokuza eSouth Africa