Olwela amalungelo oluntu othunjwe ngoMbimbitho uMnu Itai Dzamara ufikise iminyaka yokuzalwa engamatshumi amathathu lasithupha ngoLwesihlanu imuli yakhe isithi inanze lelilanga iphatheke kubi ngokunyamalala kwakhe.
Umka Dzamara labantwabakhe kanye lomfowabo uPatson bananze lelilanga ngokuyahlala eAfrica Unity Square lapho uItai ayevame ukuhlala khona labanye bakhe betshengisela besola umbuso weZanu PF.
NgeSonto uDzamara ufikisa inyanga ezinhlanu engazakali ukuthi wadliwa yini. UPatson uthi bacela abangaba belolwazi ngokuthi uItai ungaphi baze phambili.
Umsekeli wesikhulumeli seMDC-T, uNkosazana Thabitha Khumalo, obesazana loDzamara uthi kuyadanisa ukuthi ilanga lakhe lokuzalwa lifike kungaziwa ukuthi uyaphila yini kumbe hatshi lokuthi vele kuyini okwenzakalayo kuye.
Your browser doesn’t support HTML5
Ingxoxo loNkosazana Thabitha Khumalo