Inani lendlovu eZimbabwe libikwa lehle ngesilinganiso phose ingxenye ekhulwini-40% kusukela ngomnyaka ka 2001 kusiya ku 2014 esigabeni se Zambezi Valley. Kuthi duzane ledamu le Lake Kariba inani leli lehle ngesilinganiso sokungamatshumi ayisikhombisa lasithupha ekhulwini- 76 percent.
Inani lendlovu elizweni lonke licatshangelwa ukuthi lingafika kunkulungwane ezingamatshumi ayisikhombisa-70 000 elizweni lonke.
Umkhokheli wenhlanganiso ezimeleyo eye Zambesi Society, uMnu. Richard Maasdorp ungapha useMelika lapho adinga khona uncedo lwemali engaphathisa emsebenzini wokulwisa ukuvimba ukuzingelwa kwendlovu okungengekho emthethweni.
Inhlanganiso le ithi uMaasdorp uzakhulumisana leziphathamandla zeleMelika lozulu mathupha olemali yokuphathisa ukulondoloza indlovu.
Kunjalo nje esinye isakhamuzi sakoBulawayo, uMnu. Steve Coetzee ubulewe yindlovu ngoMvulo eHwange National Park lapho akade esethekelela khona labanye bakhe.
UChris Gande weStudio Seven uxoxe lomzingeli, uMnu. Raphael Ndlovu, othi ubiziwe ngabogatsha lwe National Park ukuthi azobulala leyo ndlovu.
Your browser doesn’t support HTML5
Ingxoxo loMnu. Raphael Ndlovu