Inhlanganiso ephathisa abalambayo emhlabeni jikelele, iWorld Food Program, ithi abantu abangaba yisigidi lengxenye babhekane lendlala enkulu eZimbabwe lonyaka ngenxa yokungatholanga isivuno esihle. Inhlanganiso le ithi njalo lanxa izimisele ukuncedisa abalambayo laba, ayilamali yokuthenga ukudla okungenela inani leli.
Kuhlelo lwezizalwane zeZimbabwe ezihlala emazweni, lamuhla sixoxa ngomhlangano omkhulu wezizalwane zamazwe ezansi kwezwekazi leAfrica ozakwenziwa kusukela ngoLwesihlanu eMelika. Umhlangano lo obizwa ngokuthi yiSouthern African Reunion uzaqalisa ngombukiso wezigqoko kulandele imidlalo yenguqu lokunye okutshiyeneyo eHoward County Sports Center.
Inhlanganiso elwela amalungelo ezizalwane zeZimbabwe kweleSouth Africa eye Zimbabwe Community in South Africa ithi iphakathi kokulobela umphathintambo wogatsha lwendaba zasekhaya kweleSouth Africa incwadi idinga impendulo ngezinto ezinengi ezingahambanga kuhle ehlelweni lokuphiwa kwamapermit iZSP.
Your browser doesn’t support HTML5
Studio 7 - Indaba Ezimqoka NgoLwesithathu - Ncwabakazi 26, 2015