Abebandla leMDC-T babe lomhlangano lentathelizindaba bechasisa udlakela olusebandleni lelo oluqondiswe kweinye inkokheli yayo.
Uhulumende wele South Africa namhlanje usungule uhambo lwesithimela phakathi kweJohannesburg leMusina, njalo lolu hambo luzaqeliswa isithimela lesi sifike koBulawayo laseHarare kumaviki alandelayo.
Abaphila ngokuthengisa koBulawayo ikakhulu abasebenzela endaweni esizakwakhelwa indawo yamavinkili amanengi, eye Godini Mall babe lomhlangano wokuhlaziya elakusasa labo.
Kwezemidlalo zindala zombili emdlalweni wenkezo ye ZNA Charities ngeSonto lapho okudibana iqembu leHighlanders lele Dynamos iBosso isithi izimisele ukuphakamisa inkezo le.
KuLiveTalk lamuhla sixoxa ngodlakela oluqhamuke abantu bechasulwe yikuhamba ngenyawo enzikini yedolobho leHarare ngemva kokwehliselwa khatshana ngamakombi kwafa abantu abathathu. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yebulenjini yokuzilibazisa ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
Your browser doesn’t support HTML5
Indaba ZesiNdebele, 23 Nhlolanja 2018