Ndebele Headlines Nhlangula 04, 2018
Endabeni zethu lamhlanje
Abasekeli beMDC Aliance bakhuthazwa ukufola ngokuthula ekutshengiseleni kwakusasa befuna inguquko emithetheni elawula ukhetho ngasikhathi sinye abeZanu PF labo baqoqa ukutshengisela besekela konke osokwenziwe nguMongameli Emmerson Mnangagwa.
Umnzumazana Abednico Ncube umpathintambo wendaba zeMatebeleland South obesedliwe kukhetho lwamaprimary awe Zanu PF ukhanya usengancintisa ekulesi sikhundla ngemva kokukhitshwa kuka Ompile Marupi.
Uzulu waseBulilima uhamba umango omude ukuyadinga uncedo lokwelatshwa eNdiweni Health Centre.
Iqula lakwele Bhilithani lethekelela kweleZimbabwe.
Sizalethulelale ezemidlalo etshiyeneyo ebe khona ngempelasonto.
KuLiveTalk lamuhla sihlaziya ukuthi iZimbabwe isilungele ukhetho na nxa sikhangele osokumele kwenziwe andubana ukhetho luqhutshwe mhla ka 30 Ntulikazi. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yebulenjini yokuzilibazisa ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
Your browser doesn’t support HTML5
Indaba ZesiNdebele, 4 Nhlangula 2018