Abahlali beGwanda basele bengelamanzi ezindlini kusukela ngoLwesine kulandela ukuvalelwa kukamanisipala weGwanda amanzi yinkampani yeZINWA.
UNkosikazi Marjorie Munyonga isikhulumeli salinkampani uthi umanisipala weGwanda umkoloda imali efika phose izigidi ezingamakhulu amabili zamadola, i $193.2 million dollars, okumele ayibhadale phambilini kokuthi kuvulwe amanzi.
Kunyanga edluleyo izakhamizi zeGwanda zabhekana njalo lodubo olufanayo ngemva kokuba inkampani yeZESA ivale amagetsi ifuna iZINWA ibhadale isikwelede samadola ayizigidi ezilitshumi lane, $14 million.
Kusenjalo, ezinye izakhamizi zeMatabeleland South zithi zilokhe zithikaza ukuhlatshwa ijekiseni yokwenqabela iCOVID 19 njalo lezo ezifuna ukwamukela lumjovo zithi uyasilela kwezinye indawo.
Your browser doesn’t support HTML5
UAlbert Ncube Uyalandisa