Uhulumende uthi uhlupho lokuswelakala kukagetsi lukhangelelwe ukuphela ngo 2017 sokugqitshwe uhlelo lokuqhelisa izitishi zamandla kagetsi
WASHINGTON —
Kulandela umbiko kahulumende owokuthi inkampani yamandla kagetsi eye ZESA izaqhubeka icitshela abantu ugetsi kusaqheliswa isitishi seHwange le Kariba, inengi lithi lokhu kuzabangela ukuthi impilo zabo zibe lukhuni ngoba amanzi lawo ayaswelakala.
Ekhuluma lentathelizindaba eHarare ngoLwesithathu olwedluleyo, umphathintambo obona ngamandla kagetsi, uMnu. Dzikamai Mavhaire uthe uhlupho lokuswelakala kukagetsi lukhangelelwe ukuphela ngomnyaka ka 2017 sokugqitshwe uhlelo lokuqhelisa izitishi zamandla kagetsi ukuze uthuthuke umsebenzi wokutholisa abantu amagetsi enelayo.
Amandla kagetsi aphuma esititshini seKariba azakhuphuka ngama megawatts angamakhulu ayisithupha- 600MW, eHwange akhuphuke ngama megawatts angamakhulu amathathu-300MW.
Izititshi zombili sezizakhupha amandla amagetsi afika kumamegawatts angamakhulu athoba munwe munye- 900MW, okukhangelelwe ukwenza uhlupho lokuswelakala kwamagetsi lube nganeno.
Ukuze sihlaziye udaba lokuswelakala kwamanzi lamandla kagetsi elizweni, uSithandekile Mhlanga weStudio 7 uxoxe loMnu. Peter Moyo ukhansila we Harare endawonye loMnu. Ambrose Sibindi, isiphathamandla senhlanganiso elwela amalungelo ezakhamizi eyeBulawayo Progressive Residents Association.
USibindi usungula lingxoxo ngokuchasisa ukuthi lanxa uhlupho lwamanzi edolobheni lakoBulawayo lwehle kancane ngokulungiswa kwedamu leMtshabezi, alukaphelisisi.
Ekhuluma lentathelizindaba eHarare ngoLwesithathu olwedluleyo, umphathintambo obona ngamandla kagetsi, uMnu. Dzikamai Mavhaire uthe uhlupho lokuswelakala kukagetsi lukhangelelwe ukuphela ngomnyaka ka 2017 sokugqitshwe uhlelo lokuqhelisa izitishi zamandla kagetsi ukuze uthuthuke umsebenzi wokutholisa abantu amagetsi enelayo.
Amandla kagetsi aphuma esititshini seKariba azakhuphuka ngama megawatts angamakhulu ayisithupha- 600MW, eHwange akhuphuke ngama megawatts angamakhulu amathathu-300MW.
Izititshi zombili sezizakhupha amandla amagetsi afika kumamegawatts angamakhulu athoba munwe munye- 900MW, okukhangelelwe ukwenza uhlupho lokuswelakala kwamagetsi lube nganeno.
Ukuze sihlaziye udaba lokuswelakala kwamanzi lamandla kagetsi elizweni, uSithandekile Mhlanga weStudio 7 uxoxe loMnu. Peter Moyo ukhansila we Harare endawonye loMnu. Ambrose Sibindi, isiphathamandla senhlanganiso elwela amalungelo ezakhamizi eyeBulawayo Progressive Residents Association.
USibindi usungula lingxoxo ngokuchasisa ukuthi lanxa uhlupho lwamanzi edolobheni lakoBulawayo lwehle kancane ngokulungiswa kwedamu leMtshabezi, alukaphelisisi.
Your browser doesn’t support HTML5
Ingxoxo LoMnu. Ambrose Sibindi Endawonye LoKhansila Peter Moyo