Inengi lilokhu lihlaziya okwenzakale emdlalweni we Super Bowl ngeSonto edolobheni leAtlanta eGeorgia, khonapha eMelika, lapho iqembu le New England Patriots elinqobe ele Los Angeles Rams 13 ka three. Intshantsu yalumdlao ibingu Tom brady we Patriots kanye lo Julian Edelman weqembu elifanayo.
Bekulengxabanxoza kulungiselelwa lumdlalo abanye abahlabeleli besala ukuyahlabela kuwo besola abathi yikuncindezelwa kwabantu abansundu kweleMelika.
Umdlalo we Super Bowl uthakazelelwa linengi lezizalwane zeMelika njalo ulokhu usemilonyeni yabanengi. Imisakazo labomabonakude khonapha eMelika ilokhu ihlaziya umculi uAdam Levine weMaroon 5 ukuthi engabe ehlabele kuhle.
Ukuze sizwe okunengi ngawo, sixoxe lesizalwane seZimbabwe esihlala e Georgia uNkosikazi Sinini Lindsay Ncube-Harmon olandela lumdlalo.
Your browser doesn’t support HTML5
Ingxoxo loNkosikazi Sinini Lindsay Ncube-Harmon