Inengi lithi alithembi ukuthi imizamo kahulumende eyosungula izitolo zokupheka isinkwa ama bakeries ukwenzela ukuthi abantu besithenge ngentengo ephansi izaqeda uhlupho olukhona.
Ekhuluma emhlanganweni wokuthakazelela uzibuse ngoLwesine olwedluleyo, umongameli Emmerson Mnangagwa uthe inkampani yeSilo Foods Company izathengisa ezinye impahla ngentengo ephansi.
Isinkwa besithengwa ngamadola amabili lamasenti angamatshumi amahlanu; $2.50 kodwa izolo besesithengiswa ngamadola amathathu alamasenti angamatshumi amahlanu, $3.50.
Ukuhlaziya loludaba, sixoxe loMnu. Masimba Kuchera, ingcwethi ecubungula ezomnotho welizwe yena othi lokhu kungasebenza okwesikhatshana njengohlelo lwamabhasi eZUPCO.
Uthi kufanele uhulumende aqede inkohlakalo kumankampani akhe ukwenzela ukuhuga osomabhizimusi bakwamanye amazwe.
Your browser doesn’t support HTML5
Ingxoxo loMnu. Masimba Kuchera