Inengi liqalise ukuvota kusukela ngehola lesikhombisa ngoMvulo ekuseni, kukhetho lwakuqala selokhu ilizwe lathola uzibuse lapho okuyabe kungancintisi owayengumongameli uMnu. Robert Mugabe kubandla leZANU PF. Umqondisi wokhetho ezansi yemandebeleni uMnu. Rabson Nyoni usichasisele ngamalungiselelo abo ukhetho phambini kokhetho.
Your browser doesn’t support HTML5
UAlbert Ncube Uyalandisa
Amapholisa asegcizelele ukuthi kufanele abantu beziphathe ngokuthula ngesikhathi sokhetho, langemva kwalo, njalo abephula umthetho bazabotshwa.
Your browser doesn’t support HTML5
UMavis Gama Uyalandisa
Izizalwane zezimbabwe ezihlala kweleBotswana sezitshengise idlabuzane ngokhetho njalo abanye bathi benelisile ukufika ekhaya ukuzovota.
Your browser doesn’t support HTML5
UMartin Ngwenya Uyalandisa
Ngakwelinye icele, izizalwane zeZimbabwe ezihlala kwele South Africa zikhuthaza abantu ukuthi bavote ngobunengi babo kukhetho ukwenzela ukuthi baguqule impilo yabo.
Your browser doesn’t support HTML5
UBenedict Nhlapho Uyalandisa
Kusenjalo, uMnu. David Ndlovu, isiphathamandla sebandla leZANU PF ukhuthaza abantu ukuthi bevotele uMnu. Emmerson Mnangagwa ngobunengi babo.
Your browser doesn’t support HTML5
Ingxoxo LoMnu. David Ndlovu
Ngakwelinye icele, isikhulumeli sebandla leMDC-T elikhokhelwa nguMnu. Nelson Chamisa, uNkosazana Thabitha Khumalo uthi inengi selikhathele ngombuso we ZANU PF, ngakho ukhuthaza ukuthi bevotele uMnu. Chamisa. Isikhulumeli seMDC Alliance uMnu. Welshman Ncube ukhuthaze abasekile balumanyano ukuthi bayevota ngobunengi babo. Ekhuluma emoyeni leStudio 7, uMnu. Ncube uthe iMDC Alliance yamukele ngezandla zombili usekelo lukamongameli Mugabe, ngoba elelungelo lokuzikhethela afuna ukumvotela.
Your browser doesn’t support HTML5
Ingxoxo loNkosazana Thabitha Khumalo