Abalwela amalungelo oluntu kanye lengcwethi ezicubungula ezombusazwe bathi kufanele umkhokheli webandla leMDC uMnu. Nelson Chamisa akhulumisane lomunye wakhe weZANU PF umongameli Emmerson Mnangagwa ngokubhidlika komnotho welizwe ukwenzela ukuthi kube lesisombululo kuloludaba.
Umqondisi wenhlanganiso elwela ilungelo loluntu eye Center for Public Policy uMnu. Mfundo Mlilo, usichasisela ngokuqakatheka kwalezi inkulumo ekuthuthukiseni umnotho welizwe..
Your browser doesn’t support HTML5
Ingxoxo loMnu. Mfundo Mlilo
Umongameli Emmerson Mnangagwa uhlezi egcizelela ukuthi kufanele abakhokheli bamabandla ezombusazwe bamanyane labanye babo abakuPOLAD, abavele bephakathi kokukhulumisana lohulumende ngokulungisa okuhluphayo elizweni.
Kusenjalo, ibandla leMDC lithi ukuvunyelwa ngamapholisa ukuqhuba umhlangano walo we rally eMutare ngeSonto akukhombi ukuthi kuzakuba yinhlalayenza ngoba zinengi impawu ezikhomba ukuthi kulukhuni phambili.
UMnu. Nkululeko Sibanda, isikhulumeli sikaMnu. Nelson Chamisa, umkhokheli walelibandla usichasisela okunengi ngaloludaba, kanye lokumqoka okuhlafunwe kulowomhlangano.
Your browser doesn’t support HTML5
Ingxoxo loMnu. Nkululeko Sibanda
Asenelisanga ukukhuluma lamapholisa ngaloludaba.