Abacubungula ezombusazwe sebesole ukungenela kukaMnu Consntatine Chiwenga, umkhokheli wamabutho kumbango wesikhundla sikaMongameli Mugabe ebandleni leZanu PF.
UChiwenga uphume emaphephandabeni kahulumende ethuka umphathintambo wezemfundo yaphezulu uMnu. Jonathan Moyo esithi uyisitabane njalo ulenjongo yokudiliza ibandla leZanu PF.
UChiwenga uthe ibutho kalisoze ligoqe izandla libukele uMoyo labanye bakhe abakucele leG40 bediliza ibandla njalo bedelela uMugabe.
Isisusa sendaba luhlelo lokulima olukhokhelwa libutho olweCommand Agriculture olusolwa nguMoyo esithi lukhokhelwa ngabantu abangethembekanga abakucele leTeam Lacoste lona elifuna uMnu Emmerson Mnangagwa athathe isikhundla sikaMugabe
Ephendula, uMoyo uthe amazwe kaChiwenga akamethusi.
Ingcwethi kwezombusazwe uDr. Nkululeko Sibanda yena ofundisa ezepolitiki kweleBhilithane utshele iStudio 7 ukuthi okwenziwe ngiChiwenga yinto engalunganga.
“UChiwenga lapha uphambanise kakhulu njalo into angayinanzeleliyo yikuthi iAfrica yonke ayisela mdlandla wokungenela kwabebutho kwezombusazwe,” kutsho uDr. Sibanda.
Your browser doesn’t support HTML5
Ingxoxo loMnu Nkululeko Sibanda