Esigabeni lapho esiphatha indaba zezizalwane zeZimbabwe esezihlala kwamanye amazwe emsakazweni weStudio 7 VOA Ndebele, silengxoxo lesiqamulamayezi intombi enhle ukwedlula ezinye, esikhulumakanje elesicoco sokuba nguMiss Zimbabwe USA, uNkosazana Andile Nobuhle Mpofu osanda kuthola esinye njalo isicoco sokuba nguMiss Africa USA Washington.
UMaMpofu uthi akulula ukungena kumicintiswano enje yama Beauty Paegants njengokunakanwa ngabantu abanengi.
UNkosazana Andile Mpofu
“Kudinga ukuzinikela ngoba kunengi okumele likwenze ukulungiselela ilanga lomcintiswano, ukuthi ugqoka njani, uhamba njani phambi kwabantu, uzipatha njani lokuthi ungabuzwa kumele uphendule ngayiphi indlela. Akulula ngitsho lakancane, ungazubabone sebehamba kuhle phambi kwabantu, amantombazana la, okwenzakala ngale kuback stage so? abanye bayakhala lokukhala besithi bebengakwazi ukuthi kudingakala okunengi so ukungena kulumcintiswano.”
Uqubeke ethi uMaMpofu lumnyaka ube ungelula kuye ngoba ephatheke ezinteni ezinengi, eqale ngomcintiswano kaMiss Zim USA ngoNkwenkwezi, ngapha esebenza lokuya esikolo. Eqeda lapho engena kulumcintiswano kaMiss Africa USA Washington. Phezu kwakho konke usebenza labantwana abaphuma emulini eziswelayo kanye lentandane, ekhaya lapho adabuka khona eZimbabwe.
Your browser doesn’t support HTML5
Ingxoxo loMiss Zim-USA uNkosazana Andile Mpofu