Inhlanganiso ezizimeleyo sezixwayise uhulumende ukuthi esule imizamo yakhe yokubumba umthetho wePatriot Bill wona ezithi ujonge ukuncidezela uzulu.
Inhlanganiso lezi zibalisa iZimbabwe Human Rights NGO Forum, iZCTU, Media Alliance of Zimbabwe, iZimbabwe Election Support Network kanye leWomen’s Coalition of Zimbabwe.
Kumbiko eziwethule izolo, inhlanganiso lezi zisole uhulumende zisithi ufuna ukusebenzisa umthetho lo ukuhlukuluza ikakhulu abalwela amalungelo oluntu ngokubabopha mahlayana alubana bethe bakhonona ngokwephulwa kwamalungelo kazulu.
Uhulumende uthi umthetho lo uzajezisa labo abakhulumisana labohulumende bakwamanye amazwe ngenjongo yokungcolisa eleZimbabwe.
Inhlanganiso lezi zithi umthetho lo wephula amalungelo oluntu lesisekelo sombuso welizwe. Ngokunjalo, unobhala jikelele weZCTU uMnu Japhet Moyo uthi akumelanga wethulwe.
Your browser doesn’t support HTML5
Ingxoxo loMnu Japhet Moyo
Uhulumende usolwa njalo ngemizamo yokuguqula isisekelo sombuso welizwe phansi kweConstitutional Amendment Bill Number 2 ngenjongo yokwengeza amandla kaMongameli Emmerson Mnangagwa.
Kodwa abebandla leZanu PF bathi akulalutho olubi ngalokho.