Lamuhla kuhlelo lwethu Liphuma Lendaba Litshona Lendaba sixoxa loNkosikazi Sibusisiwe Bhebhe olwela ilungelo labesifazane ngodaba lwentombazana esakhulayo elodumo, uMakanaka Wakatama osesungule inhlanganiso ephathisa amantombazana asakhulayo ayendiswa esemancane.
UWakatama wenda eleminyaka elitshumi lane wabalabantwana ababili eseleminyaka elitshumi lasikhombisa. Luntombazana wayeyendele komunye ubaba olemuli yakhe. Lubaba wamthengela ibhizimusi yokuthengisa izigqoko.
Inengi lasola kakhulu umendo lo kodwa unina kaMakanaka wathi kabayekele umntwanakhe emendweni wakhe.
Kodwa ngensuku ezalandelayo kwavela ukuthi luntombazana wayethwaliswe luklubhu ngubaba lo, etshaywa njalo ephathwa kubi waze wakhalala lumendo.
UMakanaka uthi usesungula linhlanganiso ngoba efuna ukuphathisa abangangena kunkinga ayekhona. Kodwa abanye belokhu bemthwalisenzima besithi ufuna nje ukuphendla imali.
Kodwa uNkosikazi Bhebhe uthi uzulu kumele aphathise luntombazana ukuthi ancedise osowakhe.
Your browser doesn’t support HTML5
Liphuma Lendaba Litshone Lendaba