Ibandla le Zanu PF lingqobe kukhetho lwe by election olwenzelwe eChiwundura ngempelaviki.
UMnu. Brown Ndlovu uthole amavoti adlula inkulungwane ezifika phose inkulungwane ezilitshumi, 9,426, kuthi obemele ibandla le NCA, uMnu. Brighton Mudzviti, wathola amavoti angamakhulu amane, 445 esigabeni esilabalelungelo lokuvota abazinkulungwane ezingamatshumi amane lantathu, 43,000.
Kodwa inhlanganiso ezikhangela ngokuqutshwa kokhetho olubalulekileyo zibelensolo ngendlela ukhetho oluqhutshwe ngayo olubalisa ugwalo lwamagama abalelungelo lokuvota.
Eyinye yalezinhlanganiso, iZimbabwe Election Support Network, (ZESN), ithi kusetshenziswe ingwalo ezimbili zamagama abavoti njalo kukhanya abantu bengaphiwanga mfundiso ngokuvota.
IZESN ithi njalo bekulamagama amanengi afanayo kwehlukana nje inombolo zesithupha okudida ingqondo.
Ukuhlaziya loludaba sixoxe lengcwethi ecubungula ezombusazwe, uMnu. Rejoice Ngwenya, othi mpela kunenig okumele kulungisiswe kungakaqutshwa ukhetho lomnyaka ozayo.
"Amabandla amakhulu abengekho. Kuyafana lokuthi iHighlanders ibidlala leqembu lama boozers," kutsho uNgwenya.
Your browser doesn’t support HTML5
Ingxoxo loMnu. Rejoice Ngwenya