*** Abalandeli bebandla leMDC elikhokhelwa nguMnu. Nelson Chamisa abalitshumi lambili bamiswa emthethwandaba besetheswa amacala okubangela udlakela.
*** Odabuka eZimbabwe ohlala kwele China uthi uthwele nzima ngenxa yokuthi uselesikhathi eside evalelwe endlini engasebenzi ngenxa yomkhuhlane weCoronavirus elizweni leli.
*** Uhulumende uthi usethenge umumbu ozanceda ukunqabela indlala eZimbabwe.
*** Abantu abanengi bathi kabenelisi ukuthenga amaphilisi okuthoba ihigh blood pressure ngoba intengo yawo iqonge kakhulu.
*** Inhlanganiso yeCOSAFA ingenela kudaba lokuvinjwa kwenkundla zemidlalo eZimbabwe isithi kumele iConfederation of African Football ivume ukuthi kusetshenziswe inkundla yeBarbourfields Stadium emdlalweni ozayo oweqembu leWarriors lele Algeria.
*** KuLiveTalk namuhla sixoxa ngokubotshwa kwabalandeli bebandla leMDc elikhokhelwa nguMnu. Nelson Chamisa. Kwenzakalani elizweni leZimbabwe? Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngohalf past 7 ntambama lango half past 6 ekuseni, kumagagasi athi 909 am, 4930, 13860 laku 15460 kilohertz kuShortwave.