Endabeni zethu lamhlanje ……………..
********** Emazwini akhe awethule embuthanweni wokunanza ilanga likazibuse namhlanje enkundleni yeNational Sports Stadium, uMongameli Emmerson Mnangagwa ukhuthaze ukumanyana elizweni.
************* Ngakwelinye icele abamabandla ezombusazwe aphikisayo bathi akula okukujabulela ngelanga likazibuse njengoba isimo sombusazwe kanye lesomnotho singamanga kuhle elizweni.
*********** Ngesikhathi inkulungwane lenkulungwane zabantu bezithe gwaqa enkundleni ye National Sports Stadium eHarare lakwezinye indawo zelizwe benanza uzibuse, inengi lezizalwane zeZimbabwe kweleSouth Africa ikakhulu ezidabuka ezigabeni zeMandebeleni zithi ngeke zathakazelela uzibuse kungakalungiswa udaba lwababulawa ngeGukurahund.
*********** Igqwetha elikhulu lakwele Melika, u Attorney General William Barr wethule impumela yophenyo olwenziwa nguMuller lokudinga ukuthi kwaba lokusebenzelana kwabakaMongameli Donald Trump labeRussia ukuphambanisa ukhetho lweMelika ngo2016.
********** KuLiveTalk namhlanje kuhlelo ‘Asiyihluzeni Bomama’ sizakupha ithuba abesifazana ukuba basho imibono yabo ngelanga likazibuse. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.