EZimbabwe inani lasebehlolwe batholakala bele COVID-19, lokhu lolubhubhane lwaqhamukayo ngoMbimbitho nyakenye, selikunkulungwane ezedlula ezilikhulu-132,540 okugoqela abantu asebephephe kulumkhuhlane sebezinkulungwane ezedlula ikhulu-126,776, kwafa inkulungwane ezedlula ezine lengxenye- 4,662.
Kunje abantu asebenelise ukuhlatshwa ijekiseni yokuzivikela kuCovid 19, bayedlula izigidi ezintathu-3,251,466, kodwa abayizigidi phose ezimbili lengxenye babo- 2,517,653, yibo asebehlatshiwe amajekiseni wonke womabili.
Ingcwethi kwezempilakahle zikhuthaza uzulu ukuba ayehlatshwa ijekiseni lokuzivikela kumkhuhlane weCOVID-19, beqinisekisa abantu ukuba lilungile kungakho bengaze balalela leyo mibiko ekhitshwa ngabanye enkundleni zokukhulumisana ebulenjini, ze-Social Media. Linkuthazo iza ngesikhathi lilokhe lingathakazelelwa lelijekiseni abanengi beqhubeka bethikaza ukuyalihlatshwa ngezizatho ezitshiyeneyo.
Abaphila ngokuthengisa koBulawayo sebecele ikhansili ukuba ivule ezinye indawo zokuthengisela ngoba inani labathengisayo seliqansile Kodwa bengela ndawo zokuthengisela okwenza bahlukuluzwe ngamapholisa ekhansili bebathathele impahla bebabopha ngoba bethengisela lapho okungamelanga bathengisele khona enzikini yedolobho.
UMnu. Sybeth Musengezi, uphanyeke udaba lokuthi uMongameli Emmerson Mnangagwa asuswe ukuba ngumkhokheli webandla leZanu PF, uthi ulethemba lokuthi idale leHigh Court lizakwenza lokhu akucelayo ngoba ilizwe leZimbabwe likhokhelwa ngumuntu owangena ngudlu esikhundleni sikamongameli.
Ibandla leMDC-T lithi kulabantu abatshotshozelwa yizitha zabo ukuba bethuke umkhokheli webandla leli, uMnu. Douglas Mzonzora, abathi weba imali enengi okumangalisayo.
Kuhlelo Woza Friday namuhla sileqembu leCross Dete Sounds, lona eselethule idlalade lalo elitsha elilesihloko esithi “Wangidala Njani”.
Ku Livetalk namhlanje kuhlelo sikhangela ukuqhubeka kohlelo lokuhlatshwa kwabantu ijekiseni yokuzivikela kuCovid 19.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.