Isimo sobhubhane lweCovid-19 siqhubeka singamanga kahle ezweni lapho izolo abogatsha lwezempilakahle lokondliwa kwabantwana bakhuphe umbiko othi abantu abedlula inkulungwane ezimbili-2 138 bahlolwe bafunyanwa beleCovid-19 kuthi abathathu-3 balahlekelwe yimpilo.
UMongameli Cyril Ramaphosa wakweleSouth Africa useke wama ukuhlangana labantu, ezihlalele endlini yakhe eyedwa, ekuself isolation njalo engasebenzi ngemva kokuhlaselwa yiCoronavirus.
Abalimi abanengi kwele Zimbabwe bathi izilimo zabo sezitshile ngenxa yokuswelakala kwe zulu.
Sokulobudlwangu obesabekayo obuqhamuke eShangani Mine esiqintini se Insiza, bubangelwa ngoTsheketsha okwenza abahlali balindawo bahlalele evalweni. Kubikwa abesifazana bayahlukuluzwa okwamagama njalo kunyanga ephelileyo kudlwengulwe abayisithupha, 6.
Abalandeli baka Nkosazana Thokozani Khupe bathi kabasoze bevume ukuba axotshiswe edale lephalamende nguMnu. Douglas Mwonzora ngesikhathi kulungiselelwa umhlangano oweOrdinary Congress, okuzakhethwa khona inkokheli entsha egoqela umongameli webandla leMDC-T.
Asukelene amaqembu omdlalo wenguqu adlala kusigaba se Zifa Southern Region wona abedlephana kumncintiswano we Wafa Wafa.
KuLivetalk namuhla sikhangela ukuqhubeka komsebenzi wokumelana leCovid 19 ngesikhathi liqansa inani labahlolwa betholakala belegcikwane leli eZimbabwe lasemhlubulweni wangezansi kwezwekazi le Africa.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.