Endabeni zethu lamhlanje ……………..
*********** Inhlanganiso yeAfriForum emele unkosazana Gabriella Engels othi watshaywa ngunkosikazi Grace Mugabe kweleSouth Africa nyakenye, ithi amapholisa asethule ugwalo lokuthi unkosikazi Mugabe abotshwe ngaleli cala, iWarrent of Arrest.
************* Impumela yocwaningo lokuhlolisisa imbangela yodlakela olwabulalisa abantu abayisithupha bedutshulwa ngamasotsha, mhla ka 1 Ncwabakazi ihlaziywa edale lephalamende.
************* Abebandla leZanu PF basungula uhlelo lokukhuthaza izizalwane zeZimbabwe esezihlala kwamanye amazwe ukuthi ziphenduke ekhaya zizoncedisa ukuthuthukisa ilizwe.
************* Idale labampathintambo lithi umsekeli kamongameli umnumzana Constantine Chiwenga nguye osezakhokhela inkulumo phakathi kukahulumende labodokothela abakhalala umsebenzi.
************* Owayengumdlali wenguqu uRonald Gidiza Sibanda uthi abadlali asebathatha umhlalaphansi kumele bengalahlelwa khatshana ukuze bechathekele abasakhulayo ulwazi abalalo.
********** KuLiveTalk namhlanje kuhlelo Diaspora Forum sikhangela inkuthazo yabebandla leZanu PF yokukhanga izizalwane zeZimbabwe ezisemazweni ukuthi ziphindele ekhaya. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
Your browser doesn’t support HTML5
Inhloko zendaba,Mpalakazi 19, 2018