Endabeni zethu lamhlanje
*** Udlakela lokucasana ngemihlobo luqhubekela phambili kwele South Africa izizalwane zalelo lizwe zikhahlameza abantu bokuza endaweni ezitshiyeneyo.
*** Umhlangano wezokuthengiselana lezomnotho owe World Economic Forum uqala eCape Town kwele South Africa ngesikhathi amanye amazwe ebikwa esakhalele ukuza kulumhlangano ngenxa yodlakela lokuhlukunyezwa kwabokuza.
*** Odokotela bezibhedlela ezinkulu zikahulumende ezibalisa iMpilo, Bulawayo United, Harare General, Chitungwiza General leParirenyatwa baqhubeka ngokukhalala umsebenzi bekhala ngeholo abathi aliseneli ukuba baye emsebenzini.
*** KuLiveTalk kuhlelo ‘Diaspora Forum’ namuhla sikhangela ukungahlaliseki okuseSouth Africa kulandela ukuhlukunyezwa kwabokuza. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.