***** Inhlanganiso ezinengi ezigoqela eyeEuropean Union zinika abantu ukudla lokunye okutshiyeneyo eManicaland lapho okusanda kuna izulu lesiphepho uCyclone Idai.
***** Kulabanye abakhala ngokuthi abatholi usizo eManicaland ngesikhathi uhulumende esithi abantu abalikhulu lamatshumi ayisikhombisa lambili – 172 babulewe lizulu lesiphepho. Kodwa inhlanganiso ezizimele zodwa zithi kubhubhe abafika amakhulu amabili phose lamatshumi ayisithupha – 259.
***** Umnotho welizwe leZimbabwe uqhubekela phambili usiba mubi loba uhulumende esithi uzazama ukuwuqugula.
***** KuLiveTalk namuhla kuhlelo lwabatsha olwe The Connection siqhubekela phambili sihlaziya umonakalo odalwe lizulu lesiphepho uCyclone Idai. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.