Kubotshwe abafundi abangamatshumi amabili lanye, babhaxabulwa kakubi ngamapholisa ngesikhathi betshengisela ezitaladeni zeHarare bekhonona ngembadalo yemfundo besithi iphezulu kakhulu.
Abasekeli beMDC-T abalitshumi lantathu ababotshwe izolo eHarare baqhubeke bevalelwe namuhla njalo bakhangelelwe ukumiswa emthethwandaba kusasa. Bekubotshwe amalunga alelibandla angamatshumi amathathu lanhlanu, kodwa amanye akhululwe namuhla.
Uzulu uthi umhlangano webandla leZanu PF ozaqhutshelwa eVictoria Falls ngenyanga ezayo ulakho ukuphendula insindabephenduli emayelana lelakusasa likaNkosikazi Grace Mugabe kwezombusazwe.
Umkhokheli webandla leMDC-T uMnu Morgan Tsvangirai namuhla usole kakhulu uNkosikazi Grace Mugabe esithi uphehla udlakela elizweni. uTsvangirai wethule amazwi la emkhosini wokwethula iphephandaba lebandla lakhe elithiwa The Changing Times.
KuLivetalk sikhangela ukubotshwa lokutshaywa kwabasekeli beMDC-T betshengisela izolo kanye lokubotshwa kwabafundi eHarare namuhla.
Lingakhuthwa yilezi ndaba lezinye kuStudio 7 ngo 7 ntambama kumagagasi athi 909 am, 4930, 12080, lo 15460, Shortwave. Sitholakala njalo kuFacebook kuVOANdebele kumbe kuwebsite yethu ethi www.voandebele.com.
Your browser doesn’t support HTML5
Indaba zanamuhla ngamafitshane