**** Inhlanganiso elwela amalungelo oluntu eyeAmnesty International ithi uhulumende kaMongameli Emmerson Mnangagwa wehlulekile ukuthuthukisa ezokuhlonitshwa kwamalungelo oluntu ngomnyaka ka2018.
*** Amapholisa abopha owesifazana koBulawayo ocatshangelwa ukuthi uthengisa izidakamizwa.
*** Kuphethwa umkhankaso we16 Days of Activism Against Gender Based Violence kulabanye abathi kukhanya engani abantu abanengi sebebazi ububi bokukhahlameza abesifazana.
*** Ibandla leZanu PF lilungiselela umhlangano walo omkhulu oweAnnual National People’s Conference ozakwenzelwa Esigodini esabelweni seMatabeleland South.
*** Abaphila legcikwane lengculaza bakhala ngenhlawulo yezibhedlela lamakilinika besithi yenza ukuthi bengelatshwa ngemfanelo.
*** KuLiveTalk namuhla ngokuphethwa komkhankaso we16 Days of Activism Against Gender Based Violence. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.
Your browser doesn’t support HTML5
Inhloko ZeNdaba ZesiNdebele, 10 Mpalakazi, 2018