Endabeni zethu lamhlanje ……………..
****** Uzulu we Zimbabwe ubuthane enkundleni eyeCity Sports Centre eHarare ukuyavalelilisana lomuyi uNkosikazi Vimbai Tsvangirai Java. Kube lokuxokozela lapho umlawuli wedale lephalamende uMnu Jacob Mudenda ehozwe nguzulu ngabasekeli beMDC esethula amazwi akhe endunduzo kwaze kwalamula inkokheli yalelobandla.
*****Abakumentsheni batshengisele emahofisini awe NASSA ko Bulawayo bekhala ngokungaphumi kuhle kwezimali zabo.
********** Abenhlanganiso yababalisi eyeAmalgamated Rural Teachers Union of Zimbabwe bathi uhulumende kamongameli Mnangagwa usephenduke waba ngumhlukumezi wezisebenzi. Unobhala walinhlanganiso umnumnzana Robson Chere ubeseJohannesburg ukwabelana lenhlanganiso zezisebenzi zakweleSouth Africa inhlupho ezibhekane lenkokheli yeARTUZ zokuhlukunyezwa nguhulumende.
******** Sebehlalela evalweni abeZimbabwe abacela ukuphephela kweleBhilithane ngenyathelo lokutshiya umsebenzi kwenhloko kahulumende yalelozwe, uNkosikazi Theresa May ngoba bengazi ukuthi ozathatha isikhundla sakhe uzathini ngabo ilizwe leBhilithane lingaphuma kumanyano weEuropean Union.
********** KuLiveTalk kuhlelo ‘Asiyihluzeni Bomama’ namuhla sikhangela imbali kaNkosikazi Vimbai Tsvangirai Java obeliliunga ledale lephalamende emmela iGlenview South obekwe namhlanje. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.