Endabeni zethu lamhlanje ……………..
****** IZimbabwe ithi isilungiselele ukuphatheka kuhlelo lwezokuthengisalana, lwenhlanganiso yeAfrican Union, olwe African Continental Free Trade Area (ACFTA), oluhlose ukubunjwa komkhambo owodwa wokuthengiselana phakathi kwamazwe awezwekazi leAfrica, ozakwenza kube lula ukuthengiselana impahla ngokukhululekileyo kungela mithelo eqanse kakhulu.
********** Uhulumende ukhuthazwa ukutshiyana lomkhuba wobandlululo emizameni yakhe yokufuqa abalezikwelede kunkampani yamandla ka getsi ukuba bahlawule inkampani ewaphekayo eye Zimbabwe Electricity Supply Authority.
******** Namhlanje amazwe womhlaba enanza ilanga leziphepheli lalonyaka, ele World Refugees Day, eleSouth Africa libhekane lomthwalo wabedlula inkulungwane ezilikhulu lengxenye (150,000) abaphikisana lokulahlwa kwezicelo zabo zokuphephela kulelozwe inengi labo lingabe Zimbabwe.
********** KuLiveTalk namhlanje kuhlelo “Asiyihluzeni Bomama” sikhangela ukunanzwa kwelanga leziphepheli emhlabeni jikelele eleWorld Refugee Day. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.