Endabeni zethu lamhlanje ……………..
************* Umongameli Emmerson Mnangagwa ubamba umhlangano labamabandla ehlukeneyo ezombusazwe ngenhloso yokuthi bakhulumisane ngokudinga indlela zokulungisisa inkinga ezibhekane lelizwe.
*********** Kodwa umkhokheli wenkonzo ye Zimbabwe Devine Destiny, uBishop Ancelimo Magaya uthi uMnangagwa kakumelanga abe nguye okhokhela lezi nkulumo njengoba yena engenye yembangela yenkinga ezibhekane leZimbabwe.
*********** Ubudlelwano beZimbabwe leleBhilithani buqhubekela phambili bonakala ngemva kwamazwi ompathintambo walelo lizwe obona ngezezwekazi le Africa uNkosikazi Harriet Baldwin othi akaboni ele Zimbabwe libuyela kumanyano owe Commonwealth ngesimo esiselizweni lelo.
*********** Umongameli Donald Trump weleMelika wethula umbiko wakhe oqakathekileyo owe State of the Union waphatha indaba ezinengi kodwa akazange athinte ngezezwekazi leAfrica.
********** KuLiveTalk kuhlelo olwe”Diaspora Forum” namhlanje sikhangela ukuqhubeka kokonakala kobudlelwano beZimbabwe lamanye amazwe womhlaba ngesikhathi ele Bhilithani lisithi kaliboni lelo lizwe liphindela kumanyano weCommonwealth. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.
Your browser doesn’t support HTML5
Inhloko zendaba,Nhlolanja 06, 2019