Izakhamizi zeMaNdebeleni zikhala ezimathonsi ngokuqansa kwentengo yempahla ehlukeneyo lokudla ezitolo, osekudale ukuba abantu baphile nzima ngaphansi kweCovid-19 lockdown njalo labezitolo abalandeli umlayo kaMsekeli kaMongameli uMnu. Kembo Mohadi wokuthi behlise intengo.
Uhulumende weSouth Africa uthi uzaphungula inani labakwamanye amazwe abaqatshwe ngamankampani akweleSouth Africa okuyinto ezatshiya inengi lezizalwane zeZimbabwe zingaselamsebenzi.
Ingcwethi zezempilakahle ziveza ukuba akula nhlolisiso okwamanje esithe yenziwa eveza ukuba ukusetshenziswa kwama face masks okwesikhathi eside kungaba yingozi empilweni yomuntu njalo kubangela umkhuhlane owehypoxia wokungaphefumuli kuhle ngenxa yokusisela komoya we oxygen njengalokho osekutshiwo ngabanye enkundleni zokukhulumisana zebulenjini ezinjengeWhatsapp.
Ku Livetalk namhlanje siqhubeka sikhangela umonakalo osudalwe ngumkhuhlane weCoronavirus.