Endabeni zethu lamhlanje ……………..
********* Ibandla leZanu PF selethule uhlelo lokwabela abasakhulayo indawo zokwakhela izindlu olwathenjiswa ngumongameli Mugabe kukhetho luka2013 ngasikhathi sinye kulokutshengisela emigwaqweni kwabebandla leli.
************** Umbukiso wabakumsebenzi wokwemba oweMine Entra uqalisa koBulawayo lamhlanje.
********* Umhlangano omkhulu wokulwisana lokumemetheka kwegcikwane lengculaza wamazwe womhlaba oweWorld HIV/AIDS Conference ungene kulanga lesithathu eDurban kwele South Africa.
*********** AbeZimbabwe kweleBotswana bathi sebesiya emthethwandaba ngemva kokwalelwa ukutshengisela ehofisini yommeli weZimbabwe eGaborone amapholisa esesabela udlakela.
*********** Abasemhlanganweni omkhulu oweGOP Convention bathi kusobala ukuthi ozamela amaRepublicans kukhetho lokudinga umongameli weMelika umnumzana Donald Trump akala sekelo olupheleleyo ebandleni leli.
***********KuLivetalk namhlanje siqhubeka sihlaziya ukutshengisela okwenziwa yizizalwane zeZimbabwe elizweni laphandle kwelizwe, zisola isimo esiselizweni sombusazwe lesomnotho. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15775 kilohertz kuShortwave. Inombolo zethu zewhats’app zithi 001-202-465-0318 kulabo abafuna ukuthola inhloko zendaba zethu. Sitholakala njalo kuFacebook ekhasini lethu ele VOA Ndebele.
Your browser doesn’t support HTML5
Inhloko zeNdaba Ntulikazi 20, 2016