Endabeni zethu lamhlanje lilo CG………..
********** UHulumende wakweleSouth Africa usethumele iqula labosomabhizimisi ukuyaxwayisisa ngamabhizimisi abangawasungula eZimbabwe.
********** Inhlanganiso ezizimeleyo ezibalisa eyamagqwetha eye Zimbabwe Lawyers for Human Rights, Zimbabwe Human Rights NGO Forum zimanyene phansi komanyano weNango ukwethula umbiko wereport ephathelane lokukhangela ukuthi uhulumende uyalandela na imithetho yokulondolozwa kwelungelo loluntu ekusisekelo sombuso.
********** Abasakhulayo abenhlanganiso eye Zimbabwe for Youth Development Agenda Trust bakhuthaza ukuqhutshwa kwenhlolisiso yokusebenza kwamankampani kahulumende, bekhuthaza njalo ikhomishini ebona ngokuvimba ukungathembeki eye Anti Corruption Commission ukuthi ithathe amanyathelo aqinileyo okuvimba lumkhuba elizweni.
********** AbeZimbabwe kweleBotswana bathi abamangaliswa yimbiko yokuthi ihofisi yommeli weZimbabwe eGaborone isisesimeni esibi ngoba kungaselabantu abanengi abadinga usizo kiyo besithi inhlawulo zokuthola usizo ziphezulu.
***********KuLivetalk namhlanje kuhlelo lwabasakhulayo olwe The Connection, sikhangela imfundiso ephiwa abantu zinhlanganiso ezizimeleyo ikakhulu abasakhulayo ngezamalungelo abo. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15460 kilohertz kuShortwave. Inombolo zethu zewhats’app zithi 001-202-465-0318 kulabo abafuna ukuthola inhloko zendaba zethu. Sitholakala njalo kuFacebook ekhasini lethu ele VOA Ndebele.
Your browser doesn’t support HTML5
Inhloko zeNdaba