Endabeni zethu lamhlanje ……………..
*********** Umanisipala we Harare uthi usezaqala ukwaba amanzi kuzakhamizi kumaviki amabili alandelayo okubangelwe yikwehla kwenanai lamanzi edamu le Lake chivero kanye lokuba esengcole kakhulu.
************* Inkampani elungisa onamneda lokunye okunathwayo eyeDelta, ithi isizathengisa konke ekulungisayo ngedollar leMelika ukuze ithole imali yokuthenga okudingakalayo ekulungiseni imphahla zayo phandle kwelizwe iqhubeke kuhle ngomsebenzi wayo.
************* Abazali asebebhekane lokuvulwa kwezikolo lonyaka bakhala ngokuqansa kwentengo yamauniform, amabhuku lakho konke okusetshenziswa ngabantwana esikolo lonyaka.
************* ODokothela baqhubekela phambili bekhalala umsebenzi, uhulumende engatshengisi ukufuna ukulungisisa izikhalazo zabo.
********** KuLiveTalk namhlanje kuhlelo Diaspora Forum sikhangela umsebenzi omkhulu owenziwa yizizalwane ze Zimbabwe esezihlala emazweni ukuncedisa izihlobo labangane ekhaya ngalesi sikhathi sobunzima bokungatholakali kwemali lokunye ekhaya. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
Your browser doesn’t support HTML5
Inhloko zendaba,Zibandlela 02, 2019