Endabeni zethu lamhlanje ……………..
************* Amasotsha abikwa enyakazela emizini ehlala abanengi koBulawayo kodwa enzikini yedolobho kubikwa kuthule zwi amavinkili lezitolo kuvaliwe ngelaya lesithathu lokutshengisela kwabantu ngokungayi emsebenzini.
*********** EHarare lakho bekuthule enzikini yedolobho kodwa amasotsha abikwa etshaya lokuhlukumeza abantu njalo uMfundisi Evan Mawarire odume ngokulwela amalungelo oluntu eZimbabwe ubotshwe ngamapholisa.
************* Amabandla aphikisayo kweleSouth Africa asola kakhulu ukuhlukunyezwa, ukutshaywa, ukubotshwa lokubulawa kwabantu eZimbabwe ngesikhathi uzulu etshengisela ngesimo sezomnotho esesisibi.
*************Inengi labeZimbabwe abaseBotswana baveze ukukhathezeka ngesimo sokuvalwa kwendlela zokukhulumisana ezebulenjini eze internet, besithi bayehluleka ukuxhumana lezihlobo labangane, ngesikhathi kulembiko ethi amasotsha ehlasela abantu ezindlini.
********** KuLiveTalk namhlanje sikhangela umumo ose Zimbabwe ngesikhathi uhulumende evale ukusebenza kobulembu beinternet esetshenziswa ngabanengi ukukhulumisana lezihlobo labangane abaphandle kwelizwe. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokuxhumana eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave.