********** Umongameli Emmerson Mnangagwa, uthi eleZimbababwe lizinikele ukusebenzisana yiloba ngubani kwezokusungulwa ezamabhizimusi elizweni.
********** Inhlanganiso ebona ngezamalungelo oluntu emhlabeni jikelele yeHuman Rights Watch lamhlanje yethule umbiko wayo otshengisa okwenziwe ngamazwe eAfrica atshiyeneyo kwezokuhlonitshwa kwamalungelo oluntu ngo mnyaka odluleyo ka2017.
********** Izakhamizi zeGwanda le Bulilima West zibikwa zihlalele evalweni ngoba abeZANU PFbehamba bebhala phansi inombolo zencwadi zabo zokubhalilsela ukuvota bethi yiyo indlela yokuthi bathole usizo lokudla kanye lokungena kunhlelo zentuthuko.
********** Izilimo zeNyakatho yeMandebeleni zeziqalile ukuswaba lokoma kulandela ukusilela kwezulu elina lisima.
***********Iqembu lomdlalo wenguqu elimele ilizwe le Zimbabwe kumncintiswano wokudinga intshantshu zezwekazi lase Africa ele FC Platinum lethule okusemthethweni abadlali balo abatsha namhla emini.
**********KuLivetalk lamuhla kuhlelo olukhangela okubhekane labesifazana “Asiyihluzeni Bomama” sikhangela amabhizimusi angenziwa ngabesifazana ngalesi sikhathi sobunzima kwezenotho eZimbabwe. Thumelani imilayezelo yenu ku WhatsApp kunombolo yethu ethi 001 202 465 0318 kumbe enkundleni yebulenjini yokuzilibazisa kukhasi lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
Your browser doesn’t support HTML5
Inhloko zendaba, Zibandlela 18, 2018