Endabeni zethu lamhlanje ……………..
****** Abafundi beNjube High School koBulawayo batshengisele emgwaqweni omkhulu osuka elokitshini leNjube uqonda enzikini yedolobho kodwa bavinjwa bengakayi landawo ngamapholisa ababisele esikolweni.
****** Amapholisa edolobheni leGwanda abophe otsheketsha abafika amatshumi ayisithupha emadabukakusa lamhlanje endaweni yeVova lapho inengi elemba igolide okungekho emthethweni.
****** Abaphila lokukhubazeka kokungaboni emehlweni baveze ukukhathazeka ngokungaqakathekiswa elizweni bethi bahlala betshiywa ngaphandle enhlelweni zentuthuko okuvezwa yikusilela kwengwalo abazisebenzisayo ezeBraille.
***** Kwezemidlalo…………Iqembu labesilisa elimela iZimbabwe emdlalweni kakhilikithi lifikise ama runs angamakhulu amathathu lamatshumi phose ayisithupha-358, esigabeni sakuqala somdlalo owohlobo lwe Test eliwudlala leqembu lakwele Sri Lanka esigodlweni iHarare.
****** KuLiveTalk namhlanje sikhangela ukulondolozwa kwamalungelo oluntu eMelika kuqathaniswa laseZimbabwe ngelanga abeMelika benanza ilanga lokuzalwa konsundu owayelwela amalungelo oluntu uMartin Luther King. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.