Endabeni zethu lamhlanje ……………..
*********** Amapholisa ake abopha inkokheli yenhlanganiso yababalisi bemaphandleni abe Amalgamated Rural Teachers Union of Zimbabwe - ARTUZ abakade betshengisela eAfrica Unity Square eHarare bekhala ngokuthi abasoze bayesebenza kusasa izikolo zivulwa nxa uhulumende engavumi ukubaholisa ngedollar leMelika.
************* Umumo ubikwa ungamanga kuhle kweleGabon lapho abebutho bezame ukugenqula uhulumende kaMongameli Ali Bongo owaziwa ukuba useluphele njalo egula kakubi. Abebutho laba babikwa bebezama ukulingisela okwenziwa ngabebutho abeZimbabwe lapho besusa embusweni owayengumongameli Robert Mugabe.
************* Lokhu kuphuma imibiko ephikisanayo ngodokothela abaselenyanga lengxenye bekhalala umsebenzi, eminye isithi sebebuyele eminye isithi lokhu bengakabuyeli.
************* Kwezemidlalo……. Umqeqetshi weqembu lomdlalo wenguqu ele Highlanders uMadinda Ndlovu uthi iqembu le Orlando Pirates elase South Africa lilakho ukukha phansi ngeSonto lapho elizadibana khona lentshantshu zakwele Zimbabwe iqembu le FC Platinum eMagumeni eBarbourfields Stadium.
********** KuLiveTalk namhlanje sikhangela isimo esikhona elizweni ikakhulu udaba lwezisebenzi ezinengi okugoqela ababalisi, odokothela lezinye esezifuna ukuholiswa ngedollar leMelika hatshi ngeBond Note. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.