Idale leHigh Court namuhla lizahluza udaba lokubangisana ibizo leMDC-T phakathi kukaMnu Nelson Chamisa loNkosazana Thokozani Khupe.
UChamisa ukhweze udaba lolu emthethwandaba ngeviki edluleyo esithi nguye umkhokheli weMDC-T oqotho.
Ngakho, ucele inkantolo ukuthi yalise uMaKhupe ukusebenzisa ibizo elithi MDC-T kanye lempawu zalelibandla.
Kodwa uNkosazana Khupe uthi UChamisa wakhethwa ngudlu ngokungekho emthethweni. Ngokunjalo, uMaKhupe uthi nguye umkhokheli walelibandla.
Ukuthethwa kwaloludaba kulandela ukuxotshwa kukaMaKhupe ephalamende ngoLwesine mgemva kokuba icele likaChamisa lazise usomlomo walelidale ukuthi uMaKhupe selamxotsha kuMDC-T.
Isikhulumeli sikaMaKhupe uMnu Witness Dube uthi uNkosazana Khupe uzacela inkantolo ukuthi yesule ukuxotshwa kwakhe ephalamende.
Ukuthethwa kodaba lokubangisana ibizo leMDC-T kukhangelelwe ngabantu abanengi abakumacele womabili alelibandla lozulu nje jikelele.
Your browser doesn’t support HTML5
Ingxoxo loMnu Witness Dube
Ingcwethi ecubungula ezombusazwe uDr. Nkululeko Sibanda uthi kakaboni umthethwandaba usekela uNkosazana Khupe kulumbango.
Your browser doesn’t support HTML5
Ingxoxo loDr. Nkululeko Sibanda