Ukudonselana amandla okusebandleni le Zanu PF sokutshiye abaphathintambo baka hulumende bengasafaki amandla abo ekuvuseleleni umnotho welizwe kodwa sebekhangelane lokungasuki ezikhundleni zabo.
Intengo yempahla ezitolo iqhubeka ikhuphuka njalo lemali emabhanga ilokhe isilela kungakhanyi ukuthi lokhu kuzalungiswa njani.
Kuminyaka emilutshana edluleyo ibandla le Zanu PF belisungula inhlelo ezitshiyeneyo ezokuvuselela umnotho welizwe ezifana labo NERP labo STERP kodwa lezinsuku akusakhulunywa lokho sekukhulunywa ngezikhundla.
Ukuhlaziya loludaba sixoxe lengcwethi ecubungula ezomnotho welizwe, uMnu. Anglistone Sibanda.
"Kutsho ukuthi selokhu kwenziwa ukhetho ngomnyaka ka 2013 abakaze bazihluphe vele ngokucabanga ukuthi ilizwe ieconomy iyangaphi, lokuthi impilo zethu abantu makahazi ziyangaphi," kutsho uSibanda.
Your browser doesn’t support HTML5
Ingxoxo loMnu. Anglistone Sibanda